Bakıda tibb mərkəzindən xeyli miqdarda pul və tibbi ləvazimat oğurlanıb.

"Axar.az" APA-ya istinadən xəbər verir ki, Xətai Rayon Polis İdarəsindən verilən məlumata görə, oğurluq hadisəsi rayonun Məhəmməd Hadi küçəsi, 2942-ci məhəllə 53 saylı ünvanda yerləşən "Dialab" Tibb Mərkəzində qeydə alınıb.

Tibb Mərkəzinin xəzinədarının şkafından 4194 manat pul və 1500 manat dəyərində tibbi ləvazimat naməlum şəxs və ya şəxslər tərəfindən oğurlanıb.

Hazırda polis oğurluq hadisəsini törədən şəxsin və ya şəxslərin tapılması istiqamətində iş aparır.