Dəniz mövsümü başlayandan sonra hər gün dənizdə boğulma halları qeydə alınır.

DİN-in mətbuat xidmətindən Axar.az-a verilən məlumata görə, iyulun 20-də Bakı şəhər sakinləri Tutu Əliyeva, Rafiq Bayramov, Orxan Əliyev, Dəvəçi rayon sakini Cəmilə Əyyubova Xəzər rayonunun Şüvəlan qəsəbəsinin dəniz çimərliyində, Vəli Abbasov və Rəvan Hüseynov Mərdəkan qəsəbəsinin dəniz çimərliyində, Bakı şəhər sakini Rəsul Musayev Görədil dəniz çimərliyində çimərkən boğulub.

Meyitlər sudan çıxarılıb, onlardan O.Əliyevin meyitinin tapılması istiqamətində tədbirlər görülür.

Bununla yanaşı, Sabirabad rayonunda da boğulma hadisəsi qeydə alınıb.

İyulun 20-də Sabirabad rayonunun Muradbəyli kənd sakini Almaz Abuşova Kür çayının kəndin ərazisindən keçən hissəsində paltar yuyarkən ayağı sürüşüb çaya yıxılıb.

A.Abuşovanın meyitinin tapılması istiqamətində tədbirlər görülür.