İyulun 20-də ölümlə nəticələnən daha iki yol-nəqliyyat hadisəsi qeydə alınıb.

DİN-in mətbuat xidmətindən Axar.az-a verilən məlumata görə, Sabunçu rayonunun Kürdəxanı qəsəbəsində Yardımlı rayon sakini Rəşid Mirzəyev idarə etdiyi "Reno" markalı avtomobillə yolu keçən Bakı şəhər sakini Zöhrə Əhmədovanı vurub.

Xəstəxanaya yerləşdirilmiş Z.Əhmədova orada ölüb.

Digər hadisə isə Tovuz rayonunun Çatax kəndində baş verib.

Rayon sakini Məstan Hüseynov QAZ-53 markalı avtomobili idarə edərkən qoşqusu yerindən çıxıb və kənd sakini Habil Qafarovun üstünə aşıb.

H.Qafarov xəstəxanaya aparılarkən yolda ölüb.

Hər iki fakt üzrə araşdırma aparılır.