İmişli rayonunda kənd qəbiristanlığındakı qəbir daşları naməlum şəxslər tərəfindən sındırılaraq aşırdılıb.

Report xəbər verir ki, hadisə rayonun Qızılkənd qəbiristanlığında baş verib. Səhər saatlarında yaxınlarının qəbirlərini ziyarətə gələn sakinlər bu xoşagəlməz mənzərənin şahidi olublar. Onlar qəbiristanlıq ərazisində bəzi məzar daşlarının sındırılaraq dağıdıldığını görüblər. Kənd sakinləri 1974-cu ildən salınan qəbiristanlıqda ilk dəfə belə bir hadisə ilə qarşılaşdıqlarını bildiriblər.

Kənd qəbiristanlığı Biləsuvar ərazisində yerləşdiyi üçün bu barədə Biləsuvar Polis Şöbəsinə müraciət olunub.