Ana səhifə Toplum |
Hadisədə adı çəkilən Füzuli rayonundan olan məcburi köçkün Rəhim Nəbiyev banka basqına görə saxlanmayıb.
Axar.az Trend-ə istinadən xəbər verir ki, bunu Beyləqan rayon Polis Şöbəsi "Accessbank"ın rayon şöbəsinə basqın edilməsilə bağlı yayılan məlumatlara münasibət bildirərkən deyib.
Polis R.Nəbiyevin ruhi xəstə olduğunu, 3 gün əvvəl əsəb dispanserlərindən birinə məcburi müalicəyə göndərildiyini deyib:
"Hadisədə adı çəkilən Füzuli rayonundan olan məcburi köçkün, Beyləqan rayonunda məskunlaşan Rəhim Nəbiyev adlı şəxs həqiqətən mühafizə polisi tərəfindən 3 gün əvvəl saxlanılıb və Beyləqan rayon Polis Şöbəsinə təhvil verilib. Lakin o, banka basqına görə saxlanmayıb. Həmin şəxs rayondakı paltar mağazalarından birinə girib oradan oğurluğa cəhd edərkən saxlanılıb. Araşdırmalar zamanı saxlanılan Rəhim Nəbiyevin ruhi xəstə olduğu müəyyənləşib və o, Bakıdakı ruhi əsəb dispanserlərindən birinə məcburi müalicəyə göndərilib".
Xatırladaq ki, hadisə dünən gecə baş verib. Xəbərdə bildirilirdi ki, Beyləqan rayonlararası mühafizə şöbəsinə rayonun Magistral küçəsində yerləşən Accessbank QSC-nin "Beyləqan" filialından "həyəcan" siqnalı daxil olub.
Mühafizə polisinin əməkdaşları hadisə yerinə gediblər.
Bu zaman bankın "Beyləqan" filialının pəncərəsinin şüşəsini sındıraraq hadisə yerindən qaçmaq istəyən Füzuli rayonu, Yuxarı Güzdək kənd sakini, Beyləqan rayonu ərazisində məskunlaşan Rəhim Nəbiyev saxlanılıb.
Tarix
2016.08.01 / 13:07
|
Müəllif
Hacı Qulu
|