İki rusiyalı qadın ABŞ-da “MakDonalds” restoranı axtararkən təsadüfən ABŞ hərbi bazasına daxil olub. Onlar altı aya qədər həbs cəzası ilə üzləşə bilərlər.

Axar.az xəbər verir ki, bu barədə SHOT Teleqram kanalı məlumat yayıb.

“Samaradan olan iki dost - Kristina və Nataşa ABŞ-da avtomobillə səyahət edirdilər. San Dieqoya gedən magistral yolda GPS onları ən yaxın “MakDonalds” restoranı əvəzinə Pendleton Dəniz Piyadaları Bazası Düşərgəsinin ərazisinə aparıb.

Onlar dərhal əsgərlər tərəfindən saxlanılıb, avtomobil isə müsadirə edilib. Qadınlar hərbi obyektə qanunsuz daxil olmaqda ittiham olunurlar. Hazırda təxminən üç gündür ki, həbsdədirlər”, - məlumatda bildirilib.