10-04 19:01

Oktyabrın 5-də saat 10:00-dan 18:00-dək "Qaz İxrac" İdarəsinin Abşeron magistral qaz kəmərləri sahəsinin "Böyük-Şor", Hacıqabul magistral qaz kəmərləri sahəsinin "Mədrəsə", Ağdaş magistral qaz kəmərləri sahəsinin "Ucar", "Lək" və "Zərdab" qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.

Bu barədə Axar.az-a SOCAR-dan məlumat verilib.

Təmir müddətində Şamaxı rayonunun Mədrəsə, Göylər, Mirikənd, Muğanlı, Qurdtəpə və Kərkəz kəndlərinin qaz təchizatında məhdudiyyətlər olacaq.

Aparılan işlərin Bakı şəhəri Sabunçu rayonunun, həmçinin Ucar və Zərdab rayonlarının bir hissəsinin qaz təchizatına təsir göstərməsi də mümkündür.

***

Bakı şəhəri Yasamal rayonunun da təbii qaz təchizatında məhdudiyyətlər olacaq.

APA-nın məlumatına görə, yeni çəkilmiş qaz xətlərinin qaz təchizatı mənbəyinə birləşdirilməsi və istismarı dayandırılmış qaz xətlərinin şəbəkədan ayrılması ilə əlaqədar bu gün saat 18:00-dək Yasamal rayonunun bir hissəsində təbii qazın verilişində fasilələr yaranacaq.

Aparılan işlərin Xəzər rayonunun Binə və Qala qəsəbələrinin qaz təchizatına təsir göstərməsi mümkündür.