Bu gün səhər saatlarında Bakı şəhərinin Yusif Səfərov küçəsindən paytaxtın mərkəzinə doğru istiqamətdə nəqliyyat vasitələrinin sıxlığı yaranıb.

Report-un verdiyi məlumata görə, yolda əsas sıxlıq Mərkəzi Neftçilər Xəstəxanasının qarşısında müşahidə edilir.

Eyni zamanda, Ziya Bünyadov prospekti (hər iki istiqamətdə), Üzeyir Hacıbəyov küçəsi, Abbasqulu ağa Bakıxanov küçəsi (Rusiya səfirliyi istiqamətində), habelə Nobel prospektində ("Port Baku" istiqamətində), Binəqədi şosesi və Tbilisi prospektində avtomobillərin hərəkətində sıxlıq müşahidə olunur.