Yol kənarında satılan ətlər insan sağlamlığı üçün əsl təhlükə mənbəyidir.

Axar.az xəbər verir ki, bəzən nə satıcılar, nə də müştərilər şütüyən maşınların tozu və tüstüsünün ətin üzərinə hopduğunun fərqində olur.

Qəssablar bu şəkildə kəsilən və satılan ətlərin təhlükəsiz olduğunu iddia edir.

6 saylı Baytar-sanitar ekspertiza laboratoriyasının direktoru Murtuz Əkbərov Xəzər xəbər-ə açıqlamasında kəsimin hansı qaydalara uyğun həyata keçirilməsi məsələsini izah edib.

Onun sözlərinə görə, yalnız qapalı, soyuducu olan məkanlarda ət satışı həyata keçirilə bilər.