Oktyabrın 28-də 3 yol-nəqliyyat hadisəs baş verib.

DİN-in mətbuatxidmətindən Axar.az-a verilən məlumata görə, Xəzər rayonunun Buzovna qəsəbəsində Bakı şəhər sakini Şükran Nəsirov idarə etdiyi "AzSamand" markalı avtomobillə yolu keçən həmyerlisi Könül Atakişiyevanı vurub və nəticədə piyada hadisə yerində ölüb.

Xəzər RPİ tərəfindən araşdırma aparılır.

Digər yol-nəqliyyat hadisəsi Mingəçevir şəhərində baş verib.

Şəhər sakinləri Elvin Cəfərov idarə etdiyi "Opel" markalı avtomobili qarşıda gedən Vüsal Mədətovun idarə etdiyi "Volksvagen" markalı avtomobilə vurub, "Volksvagen" markalı avtomobilin sürücüsü idarəetməni itirdiyindən yolu keçən Ağdaş rayon sakini Gülay Abdullayevaya dəyib.

Nəticədə piyada, E.Cəfərov və 1 sərnişini, habelə V.Mədətovun 1 sərnişini xəstəxanaya yerləşdirilib.

Mingəçevir ŞPŞ tərəfindən araşdırma aparılır.

Nəsimi rayonu ərazisində baş verən qəzada Bakı şəhər sakini İntizar Qurbanov idarə etdiyi "Mersedes" markalı avtomobillə yolu keçən Türkiyə vətəndaşı Yılmaz Əhmədlini vurub və nəticədə piyada xəstəxanaya yerləşdirilib.

Nəsimi RPİ tərəfindən araşdırma aparılır.