"Qanun" nəşrlər evinin Feysbuk səhifəsinin admini Nihal Əhmədovanın e-mail ünvanı və Feysbuk profili ələ keçirilib.

Bu barədə nəşriyyatdan yayılan press-relizdə bildirilir.

Qeyd olunur ki, bu, "Qanun" ətrafında baş verən hadisələrin bir tərkib hissəsidir. Nəşriyyat bildirir ki, əgər N.Əhmədovanın adından Feysbuk və ya e-mail vasitəsilə hər hansısa bir məlumat paylaşılarsa, bunun məsuliyyəti "Qanun"u 150 min manat cərimələyən vergi orqanlarının üzərindədir.

Xatırladaq ki, Vergilər Nazirliyi "Qanun" nəşriyyatını bu cür müəssisələr üçün fantastik sayılacaq məbləğdə - 150 min manat həcmində cərimələyib ("Musavat.com").