Yuxarı

Bakı İcra Hakimiyyətində dəyişikliklər: Yeni təyinatlar...

Ana səhifə Toplum
12 Punto 14 Punto 16 Punto 18 Punto
Bakı İcra Hakimiyyətində dəyişikliklər: Yeni təyinatlar...

Bakı Şəhər İcra Hakimiyyətində struktur dəyişiklikləri aparılıb və yeni kadr təyinatları olub.

Axar.az Ölkə.az-a istinadən xəbər verir ki, bununla bağlı Bakı Şəhər İcra Hakimiyyətinin başçısı Eldar Əzizov müvafiq əmrlər imzalayıb.

Əmrlərə əsasən, qurumun İctimai-siyasi, humanitar məsələlər və dini qurumlarla iş şöbəsi yenidən təşkil edilərək onun əsasında İctimai-siyasi məsələlər şöbəsi yaradılıb.

Bakı Şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsi ləğv edilərək İctimai-siyasi məsələlər şöbəsinə birləşdirilib. İctimai-siyasi, humanitar məsələlər və dini qurumlarla iş şöbəsinin müdiri Elmin İmanov yeni yaradılan şöbənin müdiri vəzifəsində saxlanılıb. Vətən müharibəsi iştirakçıları və şəhid ailələri ilə işin təşkili şöbəsinin müdiri Cavid Fərhadov isə E.İmanovun müavini təyin edilib.

Qurumun Mənzil fondunun uçotu şöbəsi Şəhər təsərrüfatı şöbəsinə birləşdirilib. Nəticədə şöbənin adı dəyişdirilərək Şəhər təsərrüfatı və mənzil fondunun uçotu şöbəsi adlandırılıb. Yeni şöbəyə rəhbərlik əvvəllər Şəhər təsərrüfatı şöbəsinin müdiri vəzifəsində çalışan Məmməd Qasımova həvalə edilib.

Bundan başqa, Tikinti məsələləri şöbəsi Nəzarət-təftiş şöbəsinə birləşdirilib və Nəzarət və tikinti məsələləri şöbəsi yaradılıb. Ləğv edilən Nəzarət-təftiş şöbəsinin müdiri Zülfəli İsmayılov yeni şöbənin müdiri təyin olunub. Tikinti məsələləri şöbəsinin müdiri Rəşid Ağayev isə Z.İsmayılovun müavini vəzifəsinə gətirilib.

Ərazi idarəetmə və yerli özünüidarəetmə orqanları ilə iş şöbəsinin adı dəyişdirilərək Ərazi-təşkilat məsələləri şöbəsi adlandırılıb. Şöbənin müdiri Anar Tağıyev vəzifəsində saxlanılıb.

Sosial-iqtisadi inkişafın təhlili və proqnozlaşdırılması şöbəsinin adı Sosial-iqtisadi məsələlər və mədəni irsin qorunması şöbəsi olaraq dəyişdirilib. Vüqar Qəhrəmanov şöbə müdiri vəzifəsində saxlanılıb.

Sənədlərlə və vətəndaşların müraciətləri ilə iş şöbəsi isə Sənəd dövriyyəsi, vətəndaş müraciətləri və inzibati işlər şöbəsinə çevrilib. Yaqut Mönsümova yeni strukturda şöbə müdiri vəzifəsində saxlanılıb.

Tarix
2026.11.16 / 21:20
Müəllif
Axar.az
Digər xəbərlər

Sibiqa buna görə Azərbaycanı təbrik etdi

Nazirlər Kabinetindən internetlə bağlı qərar

Azərbaycan İƏT-in iclasında belə təmsil olundu

Ceyhun Bayramov britaniyalı həmkarı ilə danışdı

Azərbaycan bu beynəlxalq şuranın üzvü seçildi

İsrailin Türkiyəyə qarşı planı - Tədarükün qarşısını alır

Qara dənizdə yük gəmisi batdı: 4 azərbaycanlı xilas edildi

Hikmət Hacıyev Kevin Hamiltonla görüşdü - Foto

Azərbaycan nümayəndələri Ermənistana gedəcək

İlham Əliyev televiziya və radio işçilərini təbrik etdi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla