Yuxarı

Şəhid əsgərimiz dəfn edildi - Foto

Ana səhifə Toplum
12 Punto 14 Punto 16 Punto 18 Punto
Şəhid əsgərimiz dəfn edildi - Foto

Döyüş tapşırığını yerinə yetirərkən düşmənin açdığı atəş nəticəsində dünən şəhid olmuş əsgər Həsənov Elvin Çingiz oğlu Sumqayıt şəhərində dəfn olunub.

"Axar.az" Müdafiə Nazirliyinin rəsmi saytına istinadən xəbər verir ki, dəfn mərasimində Müdafiə Nazirliyi, Səfərbərlik və Hərbi Xidmətə Çağırış üzrə Dövlət Xidməti, Sumqayıt şəhər İcra Hakimiyyəti, şəhidin təhsil aldığı məktəbin kollektivi və hərbi hissənin nümayəndələri, o cümlədən şəhər ictimaiyyəti və müxtəlif təşkilatların rəhbər şəxsləri iştirak ediblər.

Şəhidin yaşadığı mənzilin eyvanından Azərbaycan Respublikasının Dövlət Bayrağı asılmış, binanın qarşısında isə vida mərasimi təşkil edilmişdir.

Mərasimində çıxış edən Müdafiə Nazirliyinin zabiti polkovnik Abdulla Qurbani Azərbaycan Respublikasının Prezidenti adından Müdafiə naziri general-polkovnik Zakir Həsənovun əmri ilə ölümündən sonra təltif edildiyi "Hərbi xidmətdə fərqlənməyə görə" 3-cü dərəcəli medalını şəhidin anası Mətanət Əliqızına təqdim edib.
Şəhidin anası "Təki Vətən sağ olsun!", - deyərək oğlunun layiq görüldüyü medalı bağrına basıb. Sonra şəhidin babası Əli Məmmədov çıxış edərək, yeganə oğlan nəvəsinin torpaqlarımızın müdafiəsi zamanı şəhid olmasından qürur duyduğunu, dəfn mərasiminin yüksək səviyyədə təşkilinə görə ölkə başçısına və Müdafiə Nazirliyinin rəhbərliyinə minnətdarlığını bildirib.

Mərasim başa çatdıqdan sonra Şəhidin cənazəsi fəxri qaravulun və böyük izdihamın müşayiəti ilə Sumqayıt şəhərinin Şəhidlər Xiyabanına aparılıb.

Şəhid əsgəri ehtiram ənənələrinə uyğun olaraq yaylım atəşləri altında son mənzilə yola salınıb. Tabut üzərindəki üçrəngli Dövlət Bayrağı əbədi xatirə saxlanılması üçün şəhidin ailəsinə təqdim edilib.

Mərasim iştirakçıları Şəhidlər Xiyabanını "Şəhidlər ölməz, Vətən bölünməz!" sədaları altında tərk ediblər.

Tarix
2014.03.18 / 18:16
Müəllif
Axar.az
Digər xəbərlər

Rəsul Quliyevin gəncliyi: anası və xanımı ilə birgə - Fotosu

Xəzər Konsorsiumunun infrastrukturu zədələndi

Prokurorluğa qəbulla bağlı imtahan nəticələri açıqlandı

Qriqoryan Azərbaycana gəldi - Mühüm razılaşma...

Ölkədə bu qurum bağlanır? - Rəsmi cavab

Ramiz Mehdiyev bu vəzifədən də çıxarıldı - Sərəncam

Dənizdə külək enerjisi layihəsinə dair müqavilə imzalandı

Hacıyev Brüsseldə NATO Baş Qərargahında - Foto

İlham Əliyev Szinpinə başsağlığı verdi

Paşinyan qorxur: Bakı ilə sülhə qədər KTMT-dən çıxsa...

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla