Hazırladıgı qurgu ilə evi asanlıqla qızdırır. Həm xərci azdır, həm də qaz sərfiyyatı aşagıdır.

Xəzər xəbər məlumat verir ki, Göyçayın Birinci Ərəb kənd sakini Qismət Babayev qazla işləyən qızdırıcını kombiyə çevirib. Əsl peşəsi dizayner olan Qismət Babayev bu ideya üzərində günlərlə çalışaraq buna nail olub. Məqsədi kombiyə sərf edəcəyi vəsaitlə yanaşı, enerji xərcini də azaltmaqdır.

Qismət Babayev deyir ki, qızdırıcı işlək vəziyyətdə olarkən qazın təzyiqinin azalması sistemə təsir etmir.

İxtira etdiyi kombi təhlükəsizlik baxımından da qorxusuzdur. Tək şərt açıq havada quraşdırmaqdır.

Gerçək kombi ilə müqayisədə bu qurğu həm qiymət, həm də qaz sərfiyyatı baxımından sərfəlidir. Hətta normal kombidən ikiqat az qaz sərf edir.

Mövzu ilə bağlı daha ətraflı videomaterialı təqdim edirik: