Axar.az
Yuxarı

Axar.Az Logo

ADU-da yeni rektor

Ana səhifə Toplum
12 Punto 14 Punto 16 Punto 18 Punto

ADU-nun rektoru vəzifəsinin icrası professor Əfqan Abdullayevə həvalə edilib.

Ölkə.az xəbər verir ki, Azərbaycan Respublikasının Təhsil naziri Mikayıl Cabbarovun imzaladığı əmrə əsasən Azərbaycan Dillər Universitetinin (ADU) rektoru vəzifəsinin icrasının həmin universitetin elmi işlər üzrə prorektoru Dünyamin Yunusova həvalə edilməsi barədə Təhsil Nazirliyinin əmri qüvvədən düşmüş hesab olunub. ADU-nun rektoru vəzifəsinin icrası universitetin tədris işləri üzrə prorektoru, professor Əfqan Abdullayevə həvalə edilib. Təhsil Nazirliyinin Aparat rəhbərinin müavini, elm, ali və orta ixtisas təhsili şöbəsinin müdiri Yaqub Piriyev universitetin Rektoryanı Şurasının iclasında Ə.Abdullayevi kollektivə təqdim edib.

Qeyd edək ki, Ə.Abdullayev ADU-da ingilis dili-Azərbaycan dili ixtisası üzrə təhsil alıb. Universitet illərindən sonra o, Azərbaycan Dövlət Xarici Dillər Universitetinin aspiranturasında german dilləri ixtisası üzrə təhsilini davam edib.

ABŞ-ın Şərqi Karolina ştatındakı Duke Universitetində 1995-1996-cı illərdə ali təhsilin idarə olunması ixtisası üzrə magistr dərəcəsi alıb.

1998-1999-cu illərdə ABŞ-ın Minnesota ştatındakı Minnesota Universitetində Ph.D. proqramında german dilçiliyi (koqnitiv dilçilik) ixtisası üzrə təhsil alıb. 1999-cu ildən Azərbaycan Milli Elmlər Akademiyasının Nəsimi adına Dilçilik İnstitutunun doktoranturasına dilçilik nəzəriyyəsi – ingilis dilçiliyi ixtisası üzrə qəbul olub.

2000-ci ildə ABŞ-ın Harvard Universitetində Con Kennedi adına Dövlət idarəçiliyi məktəbində təhsilini davam edib. 2005-ci ildə isə ABŞ-ın Florida Beynəlxalq Universitetində Koqnitiv dilçilik ixtisası üzrə təhsilini başa vurub.

2001-ci ildə filologiya elmləri doktoru adına layiq görülüb. Həmçinin 2000-ci ildən Xəzər Universitetinin, 2001-ci ildən isə ADU-nun professorudur.

Akademik həyatı ilə yanaşı, iş karyerasında da uğurlara imza atıb.

Orta məktəbdə İngilis dili müəllimliyi ilə iş həyatına atılan Ə.Abdullayev ADU-da əvvəlcə Tətbiqi Dilçilik laboratoriyasının laborantı, sonradan isə eyniadlı laboratoriyanın müdiri kimi fəaliyyət göstərib. Bir müddət sonra ADU-nun İngilis dili kafedrasında assistent, ADU-nun İngilis dilinin qrammatikası kafedrasında müəllim, Xəzər Universitetində ingilis dili kafedrasında müəllim, bir müddət sonra Xəzər Universiteti rektorunun köməkçisi, Xəzər Universitetində Humanitar elmlər fakültəsinin dekanı və İngilis dili kafedrasının müdiri olub. 2001-ci ildə ADU-nun Tərcümə kafedrasının professoru vəzifəsinə təyin olunub. 2003-2014-cü illərdə isə ADU-da İngilis dili fakültəsinin dekanı vəzifəsini icra edib.

2014-cü ilin sentyabr ayının 1-dən Azərbaycan Respublikası Təhsil Nazirliyində Akkreditasiya və Nostrifikasiya sektorunda, sonra isə Elm, ali və orta ixtisas təhsili şöbəsində çalışıb.

ABŞ-ın və Avropanın 20-dən çox nüfüzlu təqaüdünə layiq görülüb. “Senator William Fulbright” təqaüdünü isə 2 dəfə (1998, 2005) qazanıb.

Bundan başqa, o, bir çox nüfüzlu elmi cəmiyyətlərin (ABŞ Tərcüməçilər Assosiasiyasının, ABŞ İngilis dili müəllimləri Cəmiyyətinin, Avropa Dilçilik Cəmiyyətinin, Avropa Koqnitiv Dilçilik Cəmiyyətinin, Avropa Yaddaş, Əqli İnkişaf Cəmiyyətinin) idarə heyətlərinin üzvüdür.

6 dərsliyin (2 dərslik xaricdə ingilis dilində nəşr olunub), 110-dən çox elmi məqalənin (37 məqalə xaricdə nüfuzlu elmi jurnallarda çıxıb) müəllifidir.

2016-cı ilin sentyabrından ADU-nun Tədris işləri üzrə prorektorudur.

Tarix
2016.12.21 / 21:32
Müəllif
Axar.az
Şərhlər
Digər xəbərlər

Nazirlik meşə yanğınları ilə bağlı çağırış etdi

Bakıda piyada yoluna qoyulan işıq dirəyi... - Foto

Nazir "İnfiniti"yə görə iki polis rəisini işdən qovdu

Polis bizimdir, bizi qoruyur

FHN-çilər yanğınla belə mübarizə aparır – Yeni video

Ölkədə peyvənd olunanların sayı açıqlandı

Ölkədə koronavirusa yoluxma kəskin artdı

Bakıda 32 naməlum şəhidin məzarı açılacaq

Ordumuzda yay tədris dövrü başladı

Eldəniz Səlimov həbs edildi - Foto

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla