Daxili İşlər Nazirliyi (DİN) Salyan rayonunda 14 ay əvvəl itkin düşmüş 26 yaşlı Qasımov Elçin Mirqələm oğlunun meyitinin tapılması ilə bağlı məlumat yayıb.

DİN-dən Axar.az-a verilən məlumatda bildirilib ki, Salyan şəhərində yaşayan Elçin Qasımovu qətlə yetirməkdə şübhəli bilinən qonşusu Rövşən Cavadovun tutulması üçün tədbirlər görülür.

Qeyd olunub ki, 2015-ci il noyabr ayının 11-də Salyan şəhərində yaşayan Elçin Qasımov evdən çıxıb və geri qayıtmayıb.

Araşdırmalarla həmin gün E.Qasımovun qonşusu Rövşən Cavadovun şəhər ərazisində yaşadığı evdə olarkən aralarında baş vermiş münaqişə zəminində sonuncu tərəfindən bıçaqla qətlə yetirilməsi və həyətdə basdırılması müəyyən edilib.

E.Qasımovun cəsədinin qalıqları eksqumasiya edilib. R.Cavadovun tutulması üçün tədbirlər görülür.

Salyan RPŞ tərəfindən əməliyyat-axtarış tədbirləri aparılır.