Ana səhifə Toplum |
15:22
Bakıda zavod yanır.
"Axar.az" APA-ya istinadən xəbər verir ki, Sabunçu Rayon Polis İdarəsindən verilən məlumata görə, Balaxanı Maşınqayırma Zavodunda yanğın başlayıb.
Hadisə yerinə Sabunçu Rayon Dövlət Yanğından Mühafizə Hissəsinin 3 yanğınsöndürən maşını cəlb edilib.
Hazırda alovun söndürülməsi istiqamətində iş aparılır.
16:14
Bakıda zavodda baş verən yanğın söndürülüb.
Məlumata görə, yanğın zavodun dam örtüyündə qeydə alınıb.
Yanğın nəticəsində xəsarət alan olmayıb.
Hazıra yanğının baş vermə səbəbləri araşdırılır.
16:55
"Axar.az"ın hadisə yerində olan müxbirinin verdiyi məlumata görə, 1900-cü ildə inşa edilən "Azneftkimyamaş" ASC Balacanı maşınqayırma Zavodu TASC-ya məxsus binanın tavan taxtaları həddən artıq köhnə olub və ona görə də qısaqapanma dərhal alova çevrilib. Fövqəladə Hallar Nazirliyinin yanğınsöndürmə briqadası 120 kv. metrlik sahənin yandığını, hadisə zamanı heç bir xəsarət olmadığını və dəyən ziyanın hesablandığını bildiriblər.
19:15
Bakı şəhərində maşınqayırma zavodunun yaxınlığında yerləşən sexin yanması ilə bağlı Fövqəladə Hallar Nazirliyi məlumat yayıb.
"Axar.az" FHN-in rəsmi saytına istinadən bildirir ki, Bakı şəhəri, Sabunçu rayonunda "Azərneftkimyamaş" ASC-yə məxsus maşınqayırma zavodunun ərazisində hal-hazırda fəaliyyət göstərməyən ümumi sahəsi 1500 kv.m olan sexin dam örtüyünün yanar konstruksiyaları 150 kv.m sahədə yanıb. Sexin qalan hissəsi yanğından mühafizə olunub.
Yanğın saat 15:30-da yanğınsöndürənlər tərəfindən söndürülüb.
Tarix
2014.04.09 / 19:15
|
Müəllif
Axar.az
|