Böyük Bakının Regional İnkişaf Planının layihəsi artıq hazırdır. Nazirlər Kabinetinə təqdim olunub. İndi layihəyə ekspertlər tərəfindən baxılır. Baxılandan sonra isə Nazirlər Kabineti təsdiq edəcək.

Publika.az xəbər verir ki, bunu jurnalistlərə açıqlamasında Azərbaycanın Dövlət Şəhərsalma və Arxitektura Komitəsinin sədri Abbas Ələsgərov söyləyib.

Komitə sədri deyib ki, layihədə çox yeniliklər olacaq.

A.Ələsgərovun sözlərinə görə, dəyişikliklərlə bağlı müvafiq nazirliklərin hər biri öz təklifini verib:

"Biz də həmin münasibətlərə uyğun olaraq layihədə müvafiq düzəlişlər etməliyik. Nazirliklərdən bəzilərinin təklifləri ilə razılaşmadıq. Misal üçün, keçmiş nəqliyyat naziri Ziya Məmmədov bizə təklif etmişdi ki, Bakıda ikinci pullu yol da olsun. Ancaq bu real məsələ deyildi, bizdə bir pullu yol artıq var idi! Ona görə də biz ona cavab verdik ki, bir pullu yol kifayət edir".