8 Mart - Beynəlxalq qadınlar günü münasibəti ilə Bakı şəhərində qadınlardan ibarət velotur təşkil edilib.

Axar.az xəbər verir ki, "Motosteron bike" klubunun iştirakı ilə keçirilən turun rəhbəri Səhər Mehmandır.

“Səhərlə” və “Cyclemania.lady” komandası ilə birgə təşkil edilən yürüşün məqsədi ekoloji cəhətdən təmiz nəqliyyat vasitəsi olan velosipedi kütləviləşdirmək və ona marağı artıraraq qadınların şəhərdə rahat şəkildə istifadəsini təmin edə bilməkdir.

Qeyd edək ki, Azneft meydanından start götürən tur paytaxt sakinləri tərəfindən olduqca maraqla qarşılanıb.