Göyçay, İsmayıllı, Zərdab, Şamaxı rayonlarında əhali arasında erkən nikahla bağlı maarifləndirmə işləri aparılacaq.

Kult.az xəbər verir ki, “Erkən nikah gənclik üçün bəladır” layihəsinə start verən Azad Həmfikirlər Gənclərin Maarifləndirilməsi İctimai Birliyinin sədri Samirə Mustafayeva layihə çərçivəsində bölgələrdə erkən nikahların qarşısını almaq üçün müxtəlif tədbir və maarifləndirmə kampaniyalarının aparılacağını deyib.

O, sözügedən rayonlarda fəaliyyət göstərən strukturlarla qarşılıqlı əməkdaşlıq şəraitində müxtəlif tədbir və görüşlərin keçiriləcəyini bildirib.

Bundan başqa, orta məktəb şagirdləri üçün təbliğat xarakterli müxtəlif materiallar hazırlanacaq.