12:58

Xırdalan şəhərində dəhşətli hadisə baş verib.

Teleqraf.com xəbər verir ki, hadisə Xırdalan şəhəri, 28-ci məhəllə, bina 6 ünvanında qeydə alınıb.

Həmin ünvanda kirayədə yaşayan 5 qız dəm qazından zəhərlənərək ölüb. Onların hamısının tələbə olduğu bildirilir.

Hadisə yerinə polis və prokurorluq əməkdaşları gəlib.

***

Xırdalanda dəm qazından boğulan qızlarla bağlı yeni detallar məlum olub.

Hadisə şahidlərinin bildirdiyinə görə, evdən heç kəsin çölə çıxmadığını görən qonşular dərhal polisə müraciət ediblər.

Hadisə yerinı gələn polislər qapını qıraraq içəri daxil olublar. Evdə beş qızın öldüyü bəlli olub.

Meyitlərin təcili yardım maşını ilə morqa aparıldığı xəbər verilir.

Dəm qazından boğulan beş nəfərin kimliyi məlum olub.

Ölənlər Nübar Musayeva, Mələk Abbasova, Tutanə Xanlayeva, Lamiyə Xanlayeva və Aytən Musayevadır.

Zərərçəkənlərdən 4-ü balakən, 1-i isə Cəlilabad sakinləri olub.

***

Yatdıqları yerdə dəm qazının qurbanı olan həmin şəxslər Balakən rayon sakini, 1974-cü il təvəllüdlü Nübar Fazil qızı Musayeva və onun qızları, 2000-ci il təvəllüdlü Xanlayeva Turanə Vahid qızı və 1999-cu il təvəllüdlü Xanlayeva Lamiyə Vahid qızıdır. L.Xanlayevanın da Gəncədə təhsil aldığı deyilir.

Lent.az-ın məlumatına görə, Turanə Xanlayeva Xırdalanda kollecdə təhsil alırmış. Ana Nübar Musayeva ötən gün böyük qızı Lamiyəni Bakıya xəstəxanaya gətiribmiş. Xəstəxanadan qayıtdıqdan sonra isə Xırdalanda qızının kirayədə yaşadığı evdə gecələmək istəyib və o gecə bir ailənin son gecəsi olub.

Xanlayevalar ailəsinin başçısı Vahid Xanlayev də hələ bir neçə il əvvəl dünyasını dəyişib. O da bildirilir ki, ailənin dünyasını dəyişən qızlardan başqa övladı olmayıb. Beləcə, bir ailə bir gecənin içində yox oldu.