2017.06.01 01:31

Beynəlxalq Kosmik Stansiya üçün hava ilə doldurulan yaşayış sahəsi istehsal edən şirkətin icraçı direktoru Robert Biqelovun müsahibəsi hələ də gündəmdədir.

Axar.az Moderator.az-a istinadla xəbər verir ki, yadplanetlilərin öyrənilməsinə milyonlarla dollar şəxsi vəsait xərclədiyi bildirilən Biqelov açıqlaması və hamını yadplanetlilərin varlığına inandırmaq cəhdi ilə bütün nəzərləri üzərinə yönəldib. Onun müsahibəsindən bir hissəni təqdim edirik:

- Siz yadplanetlilərə inanırsınızmı?

- Əlbəttə inanıram, yadplanetlilərin mövcudluğu ilə bağlı heç bir şübhəm yoxdur.

- Bəs, UFO-ların dünyanı ziyarət etdiyinə inanırsınız?

- Ortada bir həqiqət var, o da yadplanetlilərin mövcudluğudur. Onların varlığını açmaq üçün milyonlarla dollar xərclədim və bu işdə uğurlu oldum.

- Bəs, ictimaiyyətə UFO-lara inandığınızı açıqlamaq riskli deyil?

- Xeyr, heç bir risk görmürəm.

- Bir halda ki, pulunuzu bu yolda qoyacaq qədər irəli getmisiniz, sizcə, fəzalılarla ünsiyyətə keçə bilərikmi? Haradadır onlar?

- Yadplanetləri tapmaq üçün çox uzağa getməyə ehtiyac yoxdur. Onlar tam olaraq burnumuzun dibindədir, bu dünyada bizimlə birlikdə yaşayırlar.

Bu mövzuda rəsmi sənədlər varmı?

ABŞ Müdafiə Nazirliyinin İranda 1976-ci ildə baş verən bir hadisə haqqında hazırladığı hesabatda yazılır: “F-4 təyyarəmiz 45 kilometr uzaqlığında tanınmayan bir obyektə rast gəldi və pilotlar təyyarənin bütün avadanlığının və rabitə vasitələrinin nəzarətini itirdi. Obyektdən uzaqlaşdıqda isə bütün cihazlar yenidən işləməyə başladı".

Keçmiş MKİ rəhbəri Roskoe Hillenkoetter (1960) isə belə deyir: “Görünənin əksinə olaraq, bir çox yüksək rütbəli zabit UFO-lar barəsində təşvişdədir. Ancaq dövlətlər elə bir məxfilik içindədirlər ki, cəmiyyət ümumiyyətlə UFO-ların reallığına inanmır, hətta lağ mövzusu edir".