Ərdəbil şəhərində tanınmış fəal Siyamək Mirzayiyə dəstək məqsədilə küçə divarlarına şüarlar yazılıb.

Axar.az xəbər verir ki, məktəblərin və hökumət idarələrinin divarlarına türk və fars dillərində “Yaşasın Siyamək Mirzayi”, “Azərbaycanın igid oğlu Siyamək Mirzayi azad olsun”, “Siyamək Mirzayiyə azadlıq” və “Siyamək Mirzayi azadlığa buraxılmalıdır” kimi şüarlar yazılıb.

Xatırladaq ki, 36 yaşlı Siyamək Mirzayini, 2016-cı il, iyulun 14-ü Ərdəbilin yaxınlığındakı Parsabad şəhərində, şəxsi ərzaq mağazasında tutulub. Tutulduqdan sonra o, əvvəlcə ETTELAAT-ın yerli idarəsinə aparılsa da, sonradan Tehranın Evin zindanına köçürülüb. O, hazırda həmin həbsxananın 8-ci korpusunda saxlanılır.

Tehran məhkəməsi, azərbaycanlı fəalı ölkənin milli təhlükəsizliyinə qarşı çıxmaq niyyəti ilə qanunsuz qurum yaratmaqda günahlandırılaraq, onu 10 il həbsə və 2 il Xorasan əyalətinin Təbəs şəhərinə sürgünə məhkum edib.