Quba şəhərində partlayış hadisəsi baş verib.

"Axar.az"ın FHN-ə istinadən verdiyi xəbərə görə, ikimərtəbəli kommunal tipli yaşayış binasının 2-ci mərtbəsində ümumi sahəsi 70 kv.m olan 3 otaqlı mənzildə məişət qazının sızması nəticəsində partlayış baş verib. Nəticədə mənzilin arakəsmə divarları dağılıb. Yanğın hadisəsi olmayıb.

Partlayış zamanı bir nəfər müxtəlif yanıq xəsarətləri ilə vətəndaşlar tərəfindən mərkəzi rayon xəstəxanasına aparılıb. Hadisə ilə əlaqədar müvafiq qurumlar tərəfindən təhqiqat aparılır.