Həbib Sasanian aclıq aksiyasını davam etdirir.

Bu barədə Axar.az-a azərbaycanlı milli fəalın yaxınları məlumat verib. Onlar Sasanianın həddən çox çəki itirdiyini və səhhətinin pisləşdiyini bildiriblər. Onun böyrəklərində və mədəsində şiddətli ağrıların olduğu vurğulanıb.

Qeyd edək ki, Həbib Sasanian iyunun 12-dən aclıq aksiyasına başlayıb. O, İran Kəşfiyyat Nazirliyinin (ETTELAAT) ona qarşı irəli sürdüyü ittihamların əsassız olduğunu və ədalətli məhkəmə keçirilərək azadlığa buraxılmasını tələb edir.

H.Sasanian 2016-cı il mayın 15-də 5 fəalla birlikdə Ərdəbildə saxlanılıb. Fəalın nədə ittiham olunduğu dəqiq məlum deyil. Bəzi mənbələr onun Azərbaycan-Ermənistan münaqişəsi və bu məsələ ilə bağlı maarifləndirmə işləri ilə məşğul olduğuna görə tutulduğunu bildirirlər.