Ana səhifə Toplum |
Təbriz 2018-ci ilin İslam turizm paytaxtı seçilsə də, şəhərin turist qəbul etməyə hazırlığı yoxdur və buna səbəb İran rejiminin Azərbaycan şəhərinə büdcə vəsaiti ayırmamasıdır.
Axar.az xəbər verir ki, bu barədə Şərqi Azərbaycan valisi İsmayıl Cabbarzadə təmsil etdiyi vilayət məsulları ilə Parlamentin Mədəni Komissiya üzvlərinin birgə keçirdiyi iclasında çıxış edib.
“Təbriz 2018” turizm sənayesində bir dönüş nöqtəsi ola bilər. Lakin hələ hökumət tərəfindən “Təbriz 2018” üçün heç bir büdcə vəsaiti ayrılmayıb. Bu istiqamətdə həmçinin İcra orqanları parlamentdən aldıqları vəsaitlə bağlı əhalinin millət vəkillərinə hesabat verməlidilər.
Təbrizin islam dünyasının paytaxtı seçilməsi bu şəhər üçün yaxşı fürsət yaradıb. Bu fürsətdən yararlanmaq lazımdır. Məsul şəxslər isə şəhəri dünyaya tanıtdırmaq üçün daha çox cəhd göstərməlidilər”, - vali bildirib.
Qeyd edək ki, İslam Əməkdaşlıq Təşkilatına (İƏT) üzv dövlətlərin Turizm Nazirlərinin Niger Respublikasının paytaxtı Niamey şəhərində keçirilən İslam Konfransının 9-cu sessiyasında Təbriz şəhəri 2018-ci ilin islam turizm paytaxtı seçilib. Bu şəhər 2018-ci ildə bütün dünya ölkələri, xüsusi ilə də islam dünyasından çox sayda turist qəbul edəcək.
Tarix
2017.07.14 / 17:53
|
Müəllif
Axar.az
|