Bakıda bir küçənin 10-a yaxın sakini çöpçülüklə məşğul olur. Bura NZS qəsəbəsinin Mingəçevir küçəsidir.

Axar.az Xəzər xəbər-ə istinadən bildirir ki, küçədə hər addımbaşı çöpçü elanlarını görmək mümkündür.

Çöpçülər telekanalın çəkilişindən yayınıblar.

Yeganə müsahibəyə razılıq verən çöpçü Təhminə xanım deyir ki, burdakı çöpçülər işlərindən daha çox bir-birlərinə paxıllıq etməklə məşğuldur.

Telekanalın əməkdaşları bir saata yaxın çöpçülərin məhəlləsində olublar. Lakin bir nəfər çıxıb izah edə bilmədi ki, Allah vergisi dedikləri məşğuliyyətlə, bir-birinin paxıllığını çəkmək necə üst-üstə düşə bilir.