Nazirlik mindən çox sağlamlıq imkanları məhdud gəncləri peşə təliminə cəlb edib.

Əmək və Əhalinin Sosial Müdafiəsi Nazirliyindən Axar.az-a verilən məlumata görə, Dövlət Sosial Müdafiə Fondunun 1 saylı Sağlamlıq imkanları məhdud gənclərin Peşə Reabilitasiya Mərkəzində indiyə qədər 1 150 nəfər gənc peşə hazırlığı kurslarına cəlb olunub. Hazırda isə Mərkəzdə 105 nəfər gənc peşə təlimindədir.

Mərkəzdə ölkəmizin bütün bölgələrindən sağlamlıq imkanları məhdud gənclər kompüter istifadəçisi və kompüter dizayneri, dərzi, bərbər, toxuculuq, ağac üzərində oyma, rəssamlıq, kulinariya, xalçaçılıq, rəssamlıq, tikiş, toxuma və s. peşələr üzrə peşə hazırlığı kurslarına cəlb olunublar. Kursları bitirdikdən sonra isə onlara peşə şəhadətnamələri təqdim edilir. Peşə təlimində olduqları müddətdə onların dövlət hesabına yataqxana, yemək, tibbi-fizioterapevtik xidmət və s. ilə təminatı da həyata keçirilir.