İnzibati Xətalar Məcəlləsinin 122.1-ci və 329-cu maddələrinə əsasən, təhlükəsizlik kəmərini bağlamadan avtomobili idarə edən sürücü barəsində gün ərzində cəmi 1 dəfə olmaqla yollardakı kameralar vasitəsilə çəkilərək elektron protokol (MMX) tərtib oluna bilər.

Axar.az xəbər verir ki, bu sözləri “Diqesta” hüquq firmasının rəhbəri, nəqliyyat eksperti Ərşad Hüseynov Feysbuk səhifəsində yazıb.

Onun sözlərinə görə, belə sürücü nəzəri olaraq hər 200 metrdən bir DYP əməkdaşı tərəfindən şəxsən saxlanılaraq kəmər taxmamağa görə təkrarən cərimələnə bilər:

“Ona görə də kəməri bağlamadan sürməyin. Kəməri bağlamamaq sürücünün etdiyi ən məntiqsiz qayda pozuntusudur. Ötən il yeni Məcəllə qəbul ediləndə bunu geniş şərh etmişdim. Amma son günlər dalbadal 3-4 nəfərdən eyni sual gəlməsini nəzərə alıb bir daha qısaca xatırlatdım”.