"Qardaşım Gəncədədir, sabah Türkiyəyə uçmağa hazırlaşır".

Bunu Axar.az-a qardaşının son durumu ilə bağlı məsələyə aydınlıq gətirən iqtisadçı-jurnalist Akif Nəsirli bildirdi:

"Təxminən 15 dəqiqə öncə Firuzla danışdım. Gizli nömrədən zəng etmişdi. Qardaşım bildirdi Gəncədədir, sabah Türkiyəyə uçmağa hazırlaşır. Dünən Qırmızı körpüdən geri qaytarıldığını və sabaha bilet aldığını deyir. O, Suriyaya getmək fikrinin olmadığını, sadəcə İstanbula müalicə üçün getmək istədiyini deyir. Mənə bildirdi ki, Suriyadakı müharibəni cihad hesab etmirəm və ora getmək firim də yoxdur. Mənimlə bağlı axtarışlarını dayandır. Müalicə olunub geri qayıdacam". Mən isə ona dedim ki, onsuz da səni buraxmayacaqlar. Türkiyəyə getmək fikrindən daşın. Gəl burda müalicə olun".

Jurnalist deyir ki, qardaşı Suriyaya getmək fikrinin olmadığını desə də, qardaşı israrlıdır:

"O, Suriyaya getmək fikrində olmadığını bildirdi. Amma onu Türkiyəyə getmək fikrindən daşındıra bilmədim".

Xatırladaq ki, jurnalist Akif Nəsirli qardaşı Firuz Nəsirovun mayın 28-dən etibarən itkin düşdüyünü deyirdi.