"Açılışın tam dəqiq tarixi hələ ki, məlum deyil"

Bunu Axar.az-a Bakı Metropoliteninin mətbuat xidmətinin rəhbəri Nəsimi Paşayev "28 may" metro-stansiyasının girişinin açılacağı tarixlə bağlı sualı cavablandırarkən deyib. Nəsimi Paşayev bu barədə heç bir açıqlama verilmədiyini bildirib.

O, həmçinin "Avtovağzal" və "Memar Əcəmi 2" metro-stansiyalarının açılışının bu ilin axırına kimi yekunlaşdırılacağını qeyd edib.

Xatırladaq ki, "28 may" metro-stansiyası 2013-cü il iyul ayının 1-dən "2011-15-ci illərdə Bakı Metropoliteninin inkişafına dair Dövlət Proqramı"na uyğun olaraq yenidən qurulan "28 May" stansiyasında aparılan tikinti işləri ilə əlaqədar təmirə bağlanıb.