"Azərpoçt"un daxili əməliyyat sistemi iflic olub.

Axar.az xəbər verir ki, bu barədə saytımıza poçt sistemində çalışan əməkdaşlardan biri deyib.

Xarici ölkələrdən birindən gələn bağlamanın çatıb-çatmaması ilə bağlı məlumat almaq istəyən əməkdaşımız poçt şöbəsinə zəng etdikdə sistemin işləmədiyini bildiriblər:

"Sistem bayaqdandır işləmir. Bağlamalar da gəlib, tökülüb-qalıb burda. Nə yoxlaya bilirik, nə də başqa iş görmək mümkündür! Əlimiz-qolumuz bağlı oturmuşuq burda".

Əlaqə saxladığımız digər poçt şöbəsinin əməkdaşları da sistemin işləməmsi ilə bağlı faktı təsdiq etdilər. Onlar, sistemin işə yaramadığını, tez-tez donduğunu və iş prosesini ləngitdiyini dedilər.

Xatırladaq ki, "koliver" adlanan sistem vasitəsi ilə ölkəyə daxil olan və ölkədən çıxan bağlamaları, məktubları izləmək mümkündür.