Ötən gün Naxçıvan Muxtar Respublikasında baş verən ağır yol qəzasının qurbanları bir ailənin üzvləridir. Qəzada həlak olan 5 nəfər "Şirin" firmasının rəhbəri Tahir Əliyevin bacısı və onun övladları, nəvəsidir.

Məlumatı Axar.az-a T.Əliyevin qohumları verib. Onların sözlərinə görə, firmanın rəhbəri və digər işçiləri yas mərasiminə yollanıblar. Bu səbəbdən "Şirin" ən azı 3 gün işləməyəcək. Bu barədə işçilərə bu gün səhər məlumat verilib.

Xatırladaq ki, dünən axşam saatlarında Muxtar Respublikanın Kəngərli rayonu istiqamətində hərəkət edən KamAZ markalı hərbi maşın minik avtomobili ilə toqquşub. Qəza nəticəsində minik maşınında olan 7 nəfərdən 5-i hadisə yerindəcə həlak olub. Digər 2 nəfər isə ağır bədən xəsarətləri ilə xəstəxanaya yerləşdirilib.

Faktı təsdiqləyən Müdafiə Nazirliyi qəza zamanı yük maşınında olan hərbi qulluqçulardan birinin yüngül xəsarət aldığını bildirib.