Ana səhifə Toplum |
"Sabahdan etibarən ölkə ərazisində günəşli, yağmursuz hava şəraiti müşahidə olunacaq. İyun ayının 14-ü gündüz saatlarından başlayaraq soyuq hava nisbətən səngiyəcək və hava mülayimləşəcək".
Bu sözləri Axar.az-a açıqlamasında Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Umayra Tağıyeva bildirdi.
Onun sözlərinə görə, bu gün müşahidə olunan güclü küləkli hava şəraiti axşama qədər davam edəcək:
"Havanın temperaturu təxminən 22-26 dərəcədən yüksək olmayacaq. Bu iqlim normasından təxminən 2 dərəcə aşağı hesab olunur. Hava şəraitinin bu cür dəyişməsi qərbdən hərəkət edən soyuq atmosferin keçməsi ilə əlaqədardır. Respublikanın demək olar ki, əksər rayonlarında leysan yağışları qeydə alınır".
U. Tağıyevanın sözlərinə görə, iyun ayının 14-ü hava şəraiti mülayimləşəcək:
"Paytaxtda bu gün müşahidə olunan güclü şimal küləyi sabah mülayim cənub-şərq küləyi ilə əvəz olunacaq. Havanın temperaturu isə bu günə nisbətən 3-4 dərəcə yüksələcək".
Tarix
2014.06.13 / 12:47
|
Müəllif
Nigar İxtiyarqızı
|