Bakı şəhəri, Nəsimi rayonunda vətəndaşa məxsus ümumi sahəsi 60 kv.m olan "TBİLİSİ" kafesinin tüstü bacasının ətrafı 4 kv.m sahədə yanıb.

Axar.az FHN-nin rəsmi saytına istinadən xəbər verir ki, kafenin qalan hissəsi yanğından mühafizə olunub.

Yanğın saat 00:14-də yanğınsöndürənlər tərəfindən söndürülüb.

Lənkəran rayonu, Haftoni qəsəbəsində (rayon mərkəzindən 12 km aralı) vətəndaşa məxsus ümumi sahəsi 170 kv.m olan birmərtəbəli 3 otaqlı kürsülü evin yanar konstruksiyaları və ev əşyaları 158 kv.m sahədə yanıb. Evin qalan hissəsi yanğından mühafizə olunub. Yanğın saat 00:20-də yanğınsöndürənlər tərəfindən söndürülüb.