Vətəndaşlar alacağı mənzillərə çıxarışın verilib-verilməyəcəyini və qiymətini əvvəlcədən öyrənə biləcəklər.

Əmlak Məsələləri Dövlət Komitəsindən Axar.az-a verilən məlumata görə, bundan sonra yeni tikilən binalardan mənzil alanlar həmin binanın sənədlərinin qaydasında olub-olmadığını və aldıqları mənzillərə çıxarış verilib-verilməyəcəyini əvvəlcədən elektron qaydada dəqiqləşdirə biləcək.

Həmçinin vətəndaşlar alacağı mənzillərin qiymətinin əvvəlcədən bazar dəyərlərinə uyğunluğunu öyrənə biləcəklər.

Xidmət vasitəsilə vətəndaş mənzil almamışdan qabaq sahib olacağı mənzilə çıxarışın verilməsi üçün ilkin hüquqmüəyyəedici sənədlərin qaydasında olub-olmamasını elektron şəkildə, əvvəlcədən real vaxt rejimində öyrənəcək.

Bu qayda ilə vətəndaş üçün heç bir ünvana müraciət etmədən, operativ qaydada internet resursları və mobil telefonlar vasitəsilə sahib olduğu əmlak barədə əməliyyat həyata keçiə bilər.