Ana səhifə Toplum |
Sabah Azərbaycanın əksər rayonlarında şimşək çaxacaq, yağış yağacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, iyunun 16-da Bakıda və Abşeron yarımadasında havanın buludlu olacağı, arabir tutulacağı gözlənilir. Temperatur Bakıda gecə 19-21°, gündüz 30-32° isti olacaq.
Dəniz suyunun temperaturu Abşeron çimərliklərində - Sumqayıt, Novxanı, Pirşağı, Nardaran, Bilgəhdə 20-21°, Zuğulba, Mərdəkan, Şüvəlan, Buzovnada 21-22°, Türkan, Hövsan, Şıx və Sahildə isə 22-23° isti təşkil edəcək.
İyunun 16-da Azərbaycanın əksər rayonlarında əsasən gecə və axşam yağış yağacağı, şimşək çaxacağı ehtimalı var.
Havanın temperaturu gecə 17-22°, gündüz 30-35° isti, dağlarda gecə 10-15°, gündüz 15-20° isti olacaq.
Tarix
2014.06.15 / 20:07
|
Müəllif
Axar.az
|