Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 Fevral 2019


Qubada müəlliməyə hicab qadağası: dərs verilmədi – Rəsmi

Ana səhifə Toplum
12 Punto 14 Punto 16 Punto 18 Punto

Quba Rayon Təhsil Şöbəsi hicab taxdığına görə müəlliməyə əlavə dərs saatı verməkdən imtina edib.

Jalə Dənziyeva adlı müəllimə hicab taxdığı üçün ona əlavə dərs verilmədiyindən şikayətlənib. Qoldnyus.az müəllimənin sözügedən məsələ ilə bağlı şöbənin rəsmi sosial şəbəkə hesabındakı yazışmalarının fotolarını da yayıb.

Məsələ ilə bağlı Quba rayon Təhsil Şöbəsinin müdiri Loğman Müslümov Axar.az-a bildirib ki, din dövlətdən ayrı olduğuna görə müəllimələrin hicab bağlaması məqsədəuyğun deyil.

“Hicabla dərsə girmək olmaz. Azərbaycanda din dövlətdən ayrıdır. Hicablı müəllimə məktəbdə dərs deyirsə, o, uşağa necə tərbiyə verə bilər? Müəllimənin dərsinə və savadına bizim şübhəmiz yoxdur. Biz, sadəcə, tapşırığı icra edirik. Həmin xanım bir məktəbə biologiya müəllimi düşüb və dərs saatı az olduğuna görə başqa bir məktəbdən fənnini tədris etmək üçün əlavə dərs istəyir. Sadəcə olaraq biz başıbağlı olduğuna görə həmin xanıma tövsiyyə etmişik ki, məktəbə hicabsız getsin. Biz dövlət məktəbiyik.

Heç kəsi zorla bayıra ata bilmərik. Bunlar sadəcə tövsiyyədir. Tövsiyyə edirik ki, ay qızım, ay bacım, bu işləri qutarın, eləməyin. Amma həmin şəxs başını açmaq istəmirsə, gedib dərsini deyəcək. Burada heç bir məcburiyyət yoxdur”, - L.Müslümov deyib.

Yeri gəlmişkən, Təhsil Şöbəsinin müdirinin “savadından və dərsindən” razı qaldığı J.Dənziyevanın sosial şəbəkədə şöbənin rəsmi səhifəsi ilə yazışmasını əks etdirən bir cümlə diqqətimizi çəkdi. Sitat: “...qaldiki yuxari siniflere onunla raziyam aidiyyati olmayan fənn muellimlerine biologiya fenni verilmesi yol verilmezdir”.

Telefonla yazıldığını və “ə”, “ı” hərflərinin olmadığını nəzərə alanda belə, “qaldıki”, “aidiyyati”, “yol verilməz” sözlərinin yazılışı bu müəllimin savadından Təhsil Şöbəsi müdirinin razı qalması məsələsini aktuallaşdırır. Biologiya müəllimi olmaq Azərbaycan ədəbi dilini bilməməyə haqq qazandırırmı?

Tarix
2017.10.02 / 12:11
Müəllif
Büllurə Yunus
Şərhlər
Загрузка...
Digər xəbərlər

Liya Bayramova yeni vəzifəyə təyin olundu

Həcc ziyarətinin builki qiyməti

Bakıda maşın aşdı, tıxac yarandı - Foto

Komitə bir itin saxlanmasına çəkdiyi xərci açıqladı

İcra başçısı qəzada yaralananlara baş çəkdi - Foto

DSX-nin hərbi potensialı ciddi səfərbər olunub - Elçin Quliyev

Bu cihazlar Azərbaycana gətirildi – Rəsmi

Bakıda sərnişin avtobusu yandı - Foto

BNA-nın açıqlamalarına gülürəm - Rəşad Məcid

Bakıda sürücü maşını yol polisinin üstünə sürdü - Video

KULT
<>
Xəbər xətti
 
Axar.az'da reklam Bağla
Reklam
Bize yazin Bağla