Ağsu rayonunun ərazisində Şamaxı rayon sakini İldırım Nəhmədovun idarə etdiyi "VAZ-2121" markalı avtomobil aşıb. İ.Nəhmədov hadisə yerində ölmüş, avtomobildə olan sərnişinlər, oğlu Ağasəlim və həmyerlisi Günay Şahbazova xəstəxanaya yerləşdirilib.

Ağcabədidə isə rayon sakinləri Elxan Babakişiyevin və Elxan Həsənovun idarə etdikləri "VAZ" markalı avtomobillər toqquşub. E.Babakişiyev və E.Həsənovun maşınında olan sərnişin, qardaşı oğlu Həsən Həsənov xəstəxanaya yerləşdirilib. E.Babakişiyev orada ölüb.

Daxili İşlər Nazirliyinin mətbuat xidmətindən bildiriblər ki, hər iki hadisə ilə bağlı cinayət işi açılıb, araşdırmalar davam etdirilir.