Azərbaycan sinoptikləri iyunun 28-dən Azərbaycan ərazisində hava şəraitinin dəyişəcəyinin, güclü küləyin əsəcəyi barədə xəbərdarlıq edir.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Umayra Tağıyeva bildirib ki, iyunun 28-dən 29-na keçən gecədən başlayaraq Bakıda və Azərbaycanın bəzi yerlərində güclü külək müşahidə olunacaq, havanın temperaturu enəcək.

Onun sözlərinə görə, şimal küləyi iyunun 29-u 30-u daha da şiddətlənəcək. Şiddətli külək iyulun 1-i gündüz mülayimləşəcək.

U.Tağıyeva bildirib ki, güclü küləklə əlaqədar dövlət qurumlarına xəbərdarlıq edilib.

Trend