İki gün əvvəl kanalda batan şəxsin cəsədi bu gün sudan çıxarılıb.

Axar.az Fövqəladə Hallar Nazirliyinin rəsmi saytına istinadən xəbər verir ki, iyunun 28-də "112" qaynar telefon xəttinə daxil olmuş məlumata əsasən, 1998-ci il təvəllüdlü Elnar Elşən oğlu Məmmədov Yuxarı Şirvan kanalının Göyçay rayonu ərazisindən keçən hissəsində (ən yaxın xilasetmə məntəqəsindən 120 km məsafədə, nəzarət olunmayan ərazidə) batıb.

Hadisə yerinə FHN-nin müvafiq xilasetmə qüvvələri cəlb olunub. Onun cəsədi bu gün Fövqəladə Hallar Nazirliyinin dalğıc-xilasediciləri tərəfindən batdığı yerdən təxminən 1500 m aralıda tapılaraq sudan çıxarılıb.
Elnarın meyiti aidiyyəti üzrə təhvil verilib. Əməliyyat saat 09:43-də başa çatıb.