Sentyabrın 18-i axşam saatlarında Bakı Metropolitenində qatar təxminən 15-20 dəqiqə tuneldə qalıb. Dünən mətbuatda yayılan məlumata görə, hadisə "28 May" və "Nizami" stansiyaları tərəfdə yaşanıb və yüzlərlə sərnişin havasız yerdə qalıb. Bundan başqa qatar hərəkət etdiyi stansiyalara gec çatdığına görə, sərnişin sıxlığına da səbəb olub.

Hadisəni dəqiqləşdirmək üçün Bakı Metropoliteninin mətbuat xidməti ilə əlaqə saxlayan "axar.az"a bildirdilər ki, yayılan məlumat yalandır və sentyabrın 18-i axşam saatlarında qatar lazımi qrafik üzrə hərəkət edib. Metropoliten sözcüsü onu da qeyd etdi ki, bəzi saytlar sensassiyon xəbər yaymaq üçün belə yalan məlumatlarla ictimaiyyəti çaşdırır.