Rusiyanın Kaluqa vilayətində azərbaycanlının da iştirakı ilə kuryoz hadisə baş verib.

Axar.az-ın məlumatına görə, vilayətin Oblins şəhərində müvəqqəti qeydiyyatda olan Əhmədov soyadlı Azərbaycan vətəndaşı onun sənədlərini yoxlayan polis işçisinin qolunu dişləyərək qaçıb. Oblinsk şəhər prokurorunun köməkçisi Qalina Xarçukun yerli telekanallara verdiyi açıqlamaya görə, bu zaman həmyerlimizin pasportu zərərçəkmiş polisdə qalıb.

Azərbaycanlı miqrantın kimliyi və onun yerinin müəyyən edilməsi məqsədi ilə axtarış aparılır. Xarçukun dediyinə görə, azərbaycanlı saxlanılacağı təqdirdə onu 1 ilədək həbs gözləyir.