Bu gün baş tutan hərracda 10 min manata təklif edilən əmlak 3 dəfə baha qiymətə satılıb.

Axar.az xəbər verir ki, Əmlak Məsələləri Dövlət Komitəsi tərəfindən 13 fevral tarixində keçirilən növbəti hərrac olduqca rəqabətli keçib. Hərracda paytaxtın Nərimanov rayonunda yerləşən ilkin start qiyməti 10 min 800 manat olan əmlak rəqabət nəticəsində 30 min 500 manata özəlləşdirilib.

Budəfəki hərracda özəlləşdirilən 33 əmlakdan biri səhmdar cəmiyyətidir, üçü isə kiçik dövlət müəssisəsi. Bundan başqa, 18 qeyri-yaşayış sahəsi, 1 yarımçıq tikili, 10 nəqliyyat vasitəsi özəlləşdirilib.

Hərracda yeganə özəlləşdirilən səhmdar cəmiyyət Sabirabad Tədarük ASC-dir.