Ağstafa rayonuda ağır yol qəzası baş verib.

"Axar.az"ın "Anspress"ə istinadən məlumatına görə, bu gün axşam saatlarında sərnişin mikroavtobusu "KamAZ" markalı yük maşını ilə toqquşub. Qəza zamanı mikroavtobusda olan 8 nəfər müxtəlif dərəcəli xəsarətlər alıb.

Avtobus yük maşını ilə toqquşduqdan sonra yol kənarında dayanan piyadanı da vurub.

Qəza nəticəsində ilkin məlumata görə, 2 nəfər ölüb. Hələlik onların adları bəlli deyil.
Digər yaralılar isə mərkəzi rayon xəstəxanasına çatdırılıblar.

Rayonun hüquq mühafizə orqanı əməkdaşları ilə birgə prokuror da hadisə yerinə yollanıb.