"Şəhidlərimizin ailələrinə Allahdan səbr diləyir, onların dərdlərinə şərik olduğumu bildirirəm".

Bu sözləri Axar.az-a verdiyi açıqlamada Xalq artisti Flora Kərimovanın qızı Zümrüd Şəfiyeva deyib. Z. Şəfiyeva şəhidliyin ən uca zirvə olduğunu qeyd edərək vətən uğrunda canından keçən əsgərlərin qanının yerdə qalmamasını arzuladığını vurğulayıb.

Xalq artistinin qızı işğal altında olan torpaqlarımızın tezliklə azad olunacağına inandığını dilə gətirib:

"Şəhidlər heç zaman ölmürlər, onlar daim bizim qəlbimizdə yaşayırlar. Bütün şəhidlərimiz məkanı cənnət, valideyinlərinin, vətənimizin başı isə sağ olsun. Tezliklə ordumuzun düşmən üzərində qələbə qazanacağına əminəm".