Bakı bulvarı iki tərəfdən genişləndirilir.

Axar.az-ın əməkdaşı xəbər verir ki, Zığ və Bayıl istiqamətlərində bulvarın uzadılmasına görə nəhəng tikililərin sökülməsi nəzərdə tutulub.

Bu tikililər arasında İran səfirliyinin məktəbi də var. Bu məktəbdə əsasən səfirliyin əməkdaşları və Azərbaycanda yaşayan iranlıların övladları təhsil alır.

Artıq məktəbin köçürülməsinə başlanıb. Yeni tədris ilində iranlı şagirdlər başqa yerdə fəaliyyət göstərən məktəbdə təhsil alacaqlar. İndiki məktəb isə Xətai metrosu yaxınlığında, AMAY Ticarət Mərkəzi ilə üzbəüzdə yerləşir.

Xatırladaq ki, bu plan əvvəldən nəzərdə tutulmuşdu.