Bakıda xarici ölkə vətəndaşının bank hesabından qeyri-qanuni yolla külli miqdarda pul çıxarılması ilə bağlı polisə məlumat daxil olub.

Lent.az-ın məlumatına görə, Səbail rayon Polis İdarəsinə müraciət edən Böyük Britaniya vətəndaşı, Badamdar qəsəbəsində yaşayan 1978-ci il təvəllüdlü Ceyms Kanniqan Kennes bildirib ki, iyul-avqust aylarında onun bank hesablarından xəbəri olmadan 30 min ABŞ dolları pul çıxarılıb. İnternet vasitəsi ilə hesabına nəzarət edən Britaniya vətəndaşı bildirib ki, pulun hamısı müxtəlif vaxtlarda məhz Azərbaycanda naməlum şəxs və ya şəxslər tərəfindən götürülüb.

Polisə mürəciət edən Ceyms Kanniqan Bakıda fəaliyyət göstərən beynəlxalq "Schlumberger Logelco Inc" şirkətində baş direktorun əməliyyat işləri üzrə müavini vəzifəsində çalışır. Bu şirkət neft-qaz sahəsi üzrə fəaliyyət göstərir.

Hazırda onun müraciəti əsasında araşdırmalar aparılır