Ana səhifə Toplum |
Metronun “Koroğlu” stansiyasının Hava Limanı istiqamətində olan çıxışındakı geniş səki hasarlanır. Magistral yol ilə səkinin arasına dəmir hasarlar yerləşdirilib.
Axar.az xəbər verir ki, məqsəd vətəndaşların gözlədikləri marşruta uyğun olmayan yerdən minmələrinin, avtobusların harada gəldi saxlamalarının qarşısını almaqdır. Dəfələrlə avtobuslar üçün sözügedən ərazidən 5-6 metr aralıda dayanacaq yeri müəyyən edilsə də, nə sərnişinlər marşrutu orada gözləyirdi, nə də marşrut sürücüləri həmin dayanacaqdan istifadə edirdi.
Bu da xüsusilə günün pik saatlarında üzü Hava Limanı istiqamətinə gedən magistral yolun böyük hissəsində sıxlığa, bəzən isə yolun bağlanmasına səbəb olurdu. Yol kənarında dayanan taksilər isə sıxlığı daha da artırırdı.
Problemin aradan qaldırılması məqsədilə dünəndən sərnişinlərin dayanacaq kimi istifadə etdiyi səkini yoldan ayırmaq üçün dəmir hasarlar hörülüb.
Qeyd edək ki, sözügedən stansiyanın məlum çıxışı günün pik saatlarında marşrutlarla dolu olmasına səbəb Hava Limanı, Sabunçu, Bakıxanov istiqamətində və Bakı kəndlərinə gedən marşrutların həmin ərazidən keçməsidir.
Tarix
2018.04.17 / 09:32
|
Müəllif
Nigar İxtiyarqızı
|