Bu gün səhər saatlarından etibarən Bakı Beynəlxalq avtovağzalından cənub rayonlarına gedən avtobuslar qəhətə çıxıb.

Axar.az xəbər verir ki, avtobusların olmaması sərnişinlərin saatlarla gözləməsinə səbəb olub.

Hazırda təxminən yüzə yaxın sərnişin avtobus gözləyir.

Sərnişin Teymur Cavadovun əməkdaşımıza verdiyi xəbərə görə, səhər 8-dən indiyədək cəmi 1 avtobus xəttə buraxılıb: "Səhər 8-dən buradayam. 1 avtobus gəldi. Sıxlıq olduğuna görə yer ala bilmədim. Günortaya qədər hələ də başqa avtobus gəlməyib".

Onu da bildirək ki, əsasən sıxlığın yaşandığı bayram günlərindən fərqli olaraq bu günlərdə avtobus qıtlığı başadüşülən deyil. Nəzərə alsaq ki, yay mövsümüdür və şəhər sakinlərinin əksəriyyəti bölgələrə üz tutub, sakinlərin haqlı narazılığını başa düşmək o qədər də çətin deyil.

Avtovağzal rəhbərliyi ilə sözügedən hadisə ilə bağlə danışmaq istəsək də, cəhdimiz alınmadı.